9 yaşlı misirli Mahmud Uali intellekti ilə hamını heyran edib.

Kiçik yaşlarından elmə həvəsi ilə seçilən Mahmud Ualini artıq yeni əsrin Eynşteyni adlandırırlar. O, çox asanlıqla şifahi şəkildə çoxrəqəmli ədədlərlə riyazi əməlləri yerinə yetirir. Bundan başqa, azyaşlı 3 ay ərzində ingilis dilini rahatlıqla mənimsəməyə nail olub. Hazırda vunderkind fransız və alman dillərini öyrənir.
Mahmud intellekt testində də son dövrün ən yüksək göstəricisini əldə edib. Onun İQ-si (intellekt qiymətləndirmə testi) 151 punkt təşkil edir. Bu rəqəm dahilik həddini keçir və ona Üç Doqquz Cəmiyyətinə daxil olmağa imkan verir. Sözügedən cəmiyyətin üzvləri dünya əhalisinin 99,9 faizi ilə müqayisədə İQ-si 142 punktdan yüksək olanlardır. Keçən il aparılan araşdırmalar hazırda onların sayının 800-dən çox olduğunu göstərir. Misir mətbuatının məlumatına görə, Mahmudun riyazi istedadı 3 yaşında özünü göstərməyə başlayıb. Kanadanın özəl universitetlərinin biri Mahmudun ailəsinə uşağı oxutmaq üçün əvəzində bu ölkəyə daimi köçməyi təklif edib. Təhsil müəssisəsi əlavə olaraq, azyaşlı dahiyə təqaüd verməyi də boynuna götürüb. Ancaq uşağın valideynləri bu təklifdən imtina ediblər.

ABŞ-ın Florida ştatında qəribə hadisə baş verib.

Brouord Qraflığı ərazisində yerləşən Riç gölündə katerlə sürət yoxlaması aparan Leon Resnik Dirfild ördəklə toqquşaraq ölüb. Hadisə barədə məlumat verən qraflığın şerifi bu ehtimalı təsdiqləyib. Onun sözlərinə görə, hadisə baş verən zaman Resnik öz kateri ilə üzürmüş. Dostu Adam isə Resniki müşahidə edirmiş. Katerin sürətini ölçmək məqsədilə radarı katerə yönləndirən Adam qayığın boş olduğunu və Resnikin yoxa çıxdığını görür. O, özünü suya atsa da, Resnikin həyatını xilas edə bilmir. Təcili xəstəxanaya çatdırılan Resnikin rtıq oldüyü müəyyənləşir. İlkin ekspertizadan sonra həkimlər onun başından küt alətlə vurularaq öldürüldüyü fikri üzərində dururlar. Şerif bu rəydən sonra araşdırmalar aparıldığını və göldən Resniklə toqquşan ördəyin cəsədinin tapıldığını deyib. Bununla da istintaq yekunlaşıb. Xatırladaq ki, toqquşma zamanı katerin sürəti 88 km/saat olub...